擺酒



25年前

A：阿仔，你順下老豆意思，結婚擺酒啦！

B：我同芝芝想旅行結婚呀！

A：唔得，你老豆識咁多人，娶新抱點可以唔請人飲？ 

B：去完旅行返嚟再約親友食飯見面囉！ 

A：咁咪要輪住食好多餐！一次過好過啦！ 

B：芝芝話擺酒要洗多好多錢，佢唔想！ 

A：你老豆識得醒哥，北角敦煌3800一圍好好睇啦！

B：老豆話起碼要擺廿圍，用咗筆錢唔夠買層細樓畀首期。  

A：唔夠錢，阿媽係安記打斧頭打打埋埋都有三四萬，你攞去用啦！  

B：多謝你阿媽！  

25年後  

A：阿仔，你順下老豆意思，結婚唔好擺酒啦！  

B：我同芝芝想有過難忘婚禮呀！  

A：唔得，你老豆識咁多人，請人飲咪洗好多錢？  

B：結緍係人生大事噃！  

A：老豆話擺酒要洗多好多錢，佢唔想！  

B：芝芝老豆識得醒哥，尖沙咀煌府8300一圍好好睇 啦！  

A：計計埋起碼要擺廿圍，用咗筆錢你地諗住租劏房呀。  

B：唔夠錢，阿媽你係安記打斧頭打打埋埋都有三四萬，借埋畀我用啦！  

A：駛唔駛攞埋老豆啲棺材本呀？  

B：多謝你阿媽！