洗碗



A：唔該！我想要杯茶同埋畀個餐牌睇下有乜啱食！

B：等等！茶到！

A：阿姐，仲有餐牌呢？

B：係噃，等等，攞畀你！

A：阿姐，今日廚房有乜好介紹？

B：是但啦，唔知呀？

A：有冇搞錯，今時今日咁嘅服務態點得 ！

B：我都知，劉德華套宣傳片吖嗎！

A：你知都仲做成咁！

B：原諒下啦，我做替工咋！

A：叫你地經理出嚟！

B：佢唔得閒噃！

A：點解？

B：佢係廚房洗緊碗！

A：有冇搞錯？

B：無法啦，請唔到人洗碗！

A：你洗碗好過做伙記啦！

B：鞋，我響屋企成日打爛嘢，經理唔畀我洗呀！

A：小心啲咪得啦！

B：我都咁同佢講，佢唔肯，話整鞋我對手！

A：有冇搞錯，經理同你有親，咁錫住你！

B：佢唔錫唔得！

A：點解？

B：因為我係佢老婆！